I te 30 no me 2010, ua färii na päroita e piti Pätio e Hipü, te fenua Tahaa, te Tuhaa IV Etaretia i te ùtuafare òrometua Tehuiarii mä i roto i ta na pureraa hopeà i te fare pure no Pätio.
I muri i na matahiti e 5 to te òrometua òhiparaa i te faatereraa, ua tono te Apooraa Rahi i te ùtuafare òrometua i te Tuhaa IV, i te fenua Tahaa, i roto i te päroita no Pätio, e Hipü, mai te âvaè Atete 2007 e tae mai i te âvaè no Më 2010.
Te aroha ia rahi i to tätou färereiraa. Ei räveà färerei ai tätou. Ei räveà roaa ai ia tätou te mau parau âpï. Ei räveà faatüàtiraa ia tätou
Haamaurururaa
Ia ora na òutou päatoà na, te mau taeaè, tuahine Mäòhi i Faräni nei, e pärahi ra i roto i terä òire, e terä òire. Te mau ùtuafare, te feiä maì tonohia mai e te fare turuutaa, te mau tamarii haere haapiiraa, te mau faèhau, te mau tamarii, te mau taureàreà, te feiä paari. Outou päatoà na, erä mai te Here e te Aroha o te Atua, na roto i ta na Tamaiti ôtahi, Ietu Metia to tätou Fatu e na te Värua Maitai e arataì, päruru, e tauturu mai ia òutou, ia tätou. E na ta na parau moà e haafärerei ia tätou noa atu to tätou ätea te tahi i te tahi.